CARTA ROBERTI BOYDE 1316
===================================

Robertus, etc. Sciatis nos dedisse concusisso
et hae presenti carta nostra confirmasse Roberto
Boyde militi dilecto et fideli nostro, pro homagio
et servicio suo, omnes terras de Kylmernoc, de
Bondingtone et de Hertschaw, que fuerent Johannis
de Balliolo in dominico, totam terram de Kilbryde et
totam terram de Ardnel, que fuerant Godfridi de Ros,
filii quondam Reginaldi de Ros, et totam terram que
fuit Willelmi de Mora in tenemento de Ardnel, cum
pertinenciis. Tenendas et habendas dicto Roberto
et heredibus suis de nobis et heredibus nostris in
feodo et hereditate, et in unam integram et liberam
baroniam, per omnes rectas metas et divisas suas,
cum liberetenentibus predictarum terrarum, videlicet
de terra de Meneforde, de terra Ricardi Brune, de
terra Johannis de Kylmernoc, de terra Willelmi de
Gobenskethe, de terra Jacobi de Templetone, de
Achendolosk , de terra Roberti Scot in Ralphistone,
de terra Laurencii de Mora in tenemento de Dalry,
et de terra de Yngles Ardnel, libere quiete plenarie
et honorifice, in boscis planis viis semetis moris
maresiia pratis pascuis et pasturis in aquis stangnis
vivariis, molendinis et multuris, in aucupacionibus
piscacionibus et venacionibus, cum furca et fossa
soc et sac thol et them et infangandthefe, et cum
omnibus aliis libertatibus commoditatibus
aysiamentis et justis pertinenciis suis tam non
nominatis quam nominatis. Preterea concessimus
predicto Roberto Boyde ut ipse et heredes sui habeant
teneant et possideant predictam terram de Hertschaw
per omnes rectas metas et divisas suas tantum in
liberam forestam firmiter prohibentes ne quis sine
licencia dicti Roberti vel heredum suorum speciali
infra dictam terram de Hertschaw secet aucupet aut
venetur super nostram plenariam forisfacturam
Faciendo nobis et heredibus nostris dictus Robertus
et heredes sui pro omnibus terris supradictis
servicium unius militis in exercitu nostro, et unam
sectam ad curiam nostram de Are ad singula placita
nostra ibidem tenenda. In cujus rei, etc.

=================================

This Charter text was kindly provided
by local historian Ian H. MacDonald.